Sol disponta di manhazinha
El ben ilumina es bo karinha
Karinha di santa, santa sen altar
Bos fonti di lus, dos fonti na bo olhar!

Ka bo spiá pa séu, pa-l ka txoma-bu se kretxeu
Ka bo spiá pa mar, pa-l ka inveja bo olhar
Séu ten stréla, sin kmá mar ten areia
Ami dja-l konta-m, kmá bo é se sereia!

Bo ben p'es mundu, bo ten de ba pa séu
Distinu é sértu, ser se kretxeu
Es mundu é falsu, el é xei d'iluzãu
Ka bo fala sin, ka bo ntrega-l bo korasãu!