Yo

Múzika salva-m nha vida, da propózitu a nha luta
Da-m sentidu i da-m direson
Faze mundu konxe nha stória
Entra déntu nha univérsu i konxe nha kanpu di vizon
Sisti nha luta i nha didikason
Tistimunha di pértu tudu nha ivoluson
Poi mundu xinti tamanhu nha dimenson
Ónti N foi inspiradu ma oji mi é nha pontu inspirason

Es tenta limita-m a bazi persepson limitadu ma simé nu transende, ie
I oji na linha di frenti móda ajentis di saúdi na ténpu COVID
I gósi nada ka ten forsa di muda-m nha rota
Ka ten dirota ku poténsia di para nha frota
Munti puskas na nha pé antis N prinda bóta
Pamó trabadju é osianu, taléntu é so un góta
N fitxa palku, N abri pórta, N fasilita kaminhu
Ken ki ben dipos di mi ka ta masa memu spinhu
N mira orizonti más distanti ki nha vizon pirmiti
I oji mundu ta vibra na frekuénsia ki mi N ta imiti

Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, dja N flaba es

Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, dja N flaba es

Dja N flaba es ma nu ta viraba jogu
Móda Barcelona faze Paris Saint German na Camp Nou
Dja N flaba es tudu ki N sta binha faze
Oji gó nitidamenti N faze tudu kel ki N fla-u
Kóntra tudu prekonseitu, N kebra tudu previzon
Mi é distanti di lójika, lonji bu imajinason
Déntu di mesmu sféra ma fóra di bu padron
I N ka t'obi pontu di vista di ken ki ka ten vizon, ná
I oji N ta kobra karu pamó N ka ben di buléia
Mesmu ku filinbida nu ta kontinua ta brilha
Kes ki txora ku mi nu ta brinda na kamarin

N karrega sentimentu Da Vinci na última seia
Kontinua ta lidera i inspira nha alkatéia
Nha inspirason é un múzika ki nunka ka ten fin
(Nha inspirason é un múzika ki nunka ka ten fin)

Purisu, N ka ta engaja na tudu post
Pamó evidentimenti ami é un spedju pa nha rua
N kre mostra putus m'é pusível sta diferenti
Sen bai tras di gradi pa anus sen odja lua
Purisu, papa ki ka kema-m, N ka ta sopra
Si niqqas kre konfuzon, N ta da nhos númeru nha sógra
Nha meta é dexa stória pa nha nétus ben konta
Nhos fika ku númeru un, ami N kre zeros na nha kónta

Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, dja N flaba es

Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, nha nigga, dja N flaba es
Dja N flaba es, dja N flaba es

Yo
Múzika li é sobri akredita
É sobri bo bu ser fiel a bu vizon, a kuzas ki bu ten déntu bo
Pamó nu fundu so bo ki sabe di bu potensial
I so bo ki sabe kuzé ki bu ten déntu di bu kabésa
Purisu, independentementi di sonhu ki bu ten
Indipendentementi di kuzé ki pisoas a bu redor ta fla-u
Kontinua firmi, nha manu
Sonhus ta kontinua vivu
I un dia kes ki duvida di bo ta ben aplaudi-u di pé
I es ta ben tenta mostra mundu ma sénpri es kúnfia na bo
Fóku na kaminhada
Jah Bless