Si no ka trai ba mare
Es ora no largusi badja
Ali i ka ku n' nkadja nin ku rema
No fika no na norostia kosta

I ka ku bela, i ka ku remu
Bapur di dundu Amerika
Nkadjanu na riu
Manel fugon lanta i rondanu patria

I berdadi kamaradas
I no shalan ku pirdi rumu
Alal na altu mar sin tadju nin rebes

N' firma na lamasera di Bisasema
N' odja no shalan ku pirdi rumu
Na bokana di Bisasema
Ala no shalan na bai sin rumu

Marinherus na rema singa
Kunfentu na tadja komandu
Okanti i kuma?
Un bras ku si tris palmu
Me kau fundu

Ka nha tchora pena
Nha pistan sindjadura
Pa n' sindji nha lope
Ala seu na tindji
I pabia turbada na bin

Ka nha tchora pena
Nha pistan sindjadura
Pa n' bita
Ala seu na tindji
I pabia turbada na bin

Bo sigridanu
Bo kontanu pasada
Bo sigridanu
Bo kontanu bardadi
Ma ke ki nos sin sibi nada
Nes mukur-mukur
Si i ka sedu son
Kil ku bentiadu