Nechemba'erãi nimbo raka'e roñangareko
Aiko ro-regá ndapytu'uvéi nde che yvoty
Ha nimbo ra'e nderehe ambue ojesareko
Ha che ndaikuaái neñomiseha Ka'avo tory

Kuehe ka'arúpako ajumi rohechasete
Ha ndorotopái chetarovaite, háime chetavy
Che pore'ỹnguépe nimbo ra'e karia'y ambue
Ou ndepo'o ha ndereraha, Ka'avo tory

Ndaikuaái voi marãpa aiko la ndorotopái
Upépe apyta ajesareko cheaño tyre'ỹ
Hi'ã cherasê añalamentá pero ndaikatúi
Ko'ã che resa ikãmbarei ndoúi tesay

Che pyti'ami hatã ajopy ajesareko
Tupãme ha'e mba'éicha rei terejujey
Jepérõ oime tekove ambue oñangareko
Chéntemi voi nde regahare, Ka'avo tory