e hoki ki tō maunga kia pūrea
e ngā hau o tāwhirimātea
ko ranginui e tū nei
e takoto koe papa
ōu tamariki
kia tau te aroha

waiatatia te reo
me ōna tikanga
waiatatia te mana tāne
mana wahine
waiatatia ngā mokopuna
o te ao hou
hui kotahi
hui katoa
hui tonu rā

e whiti e te rā
ngā whetū pīata
whitiora e kanapa
e tīrama ana
inā taumarutia te ao e te āwha
whitiora e kanapa
e tīrama ana

hangaia tōku waka
hangaia mai anō
hangaia mā te rātā
he taonga tuku nā tāne
ko au te awa, ko te awa ko ahau
whenua, ora
kia kotahi rā

ei, tākina atu ko te kawa nui
ko te kawa roa
ko te kawa tihei, tihei ngahuru mā ono
hei whakawairea i tēnei whakaminenga
oi e kia whakapūāki rangi kia wewerangi
ki te rito o rehua
hūkere, hūkere ki a ihi
ko te rite, ko te rite
kia rite te rerenga o te hoe
ko te hoe nā wai
ko te waka nā wai
tāpatupatua ka tapu te moana nui e