Taikónte aikomiháicha
Cheañomi ko yvy apére
Ani pe aikomiháre
Cherehe ojejahéi
Umíichako ndovaléi
Che rekovépe ndaipukuichéne
Cherehénte ikatúrõ
Aníanga pejahéi

Ndaipotáinte oime ipochýva
Chendive ko'ã mba'ére
Péicha che ha'ehaguére
Aikoseha cheañomi
Vy'a'ỹ ko ndovaléi
Ojaitypo che retére
Cherehénte ikatúrõ
Aníanga pejahéi

Mitãmíichante aikóva
Ndatorbávai avavépe
Ha aiko vy'apavêpe
Che mbaraka chemoirû
Cheypýrupi ani ou
Chemoingova'erã angatápe
Cherehénte ikatúrõ
Aníanga pejahéi

Ko'ág̃ako che aháma
Mombyry pende ypýgui
Avave oiko'ỹhápe
Aikohaguã cheañomi
Ha che péicha taikove
Cheañomi ko yvy apére
Cherehénte ikatúrõ
Aníanga pejahéi