Ālohaloha nui nā pua ʻauliʻi
Kilipohe i ka ʻohu ʻolu o ka pūnohu
Ka pipiʻo mai o ke ānuenue
Nā waihoʻoluʻu hoʻohālike ʻole ē
E nānā nā maka i ke ao kupanaha
Mai Hawaiʻi ākea a i Kauaʻi

He lei pāpahi kēia
No kuʻu pua ʻuʻi i aloha ʻia
Haiʻai ka manaʻo ke ʻike aku
I kona helehelena onaona
Mohala maila i ka mauna
Māewa i ka maka o ka ʻōpua
Lupea ka nae kolopua
I hali mai i ke āhea makani
Āwā hoʻi ke kani a kau hānaiāhulu
Ka ʻaka helē ʻuhene i ʻō i ʻaneʻi
Lā wai kēia lei pāpahi?
No kuʻu pua ʻuʻi ke aloha

(He lei pāpahi kēia)

He lei pāpahi kēia
No kuʻu pua ʻuʻi i aloha ʻia
Haiʻai ka manaʻo ke ʻike aku
I kona helehelena onaona
Mohala maila i ka mauna
Māewa i ka maka o ka ʻōpua
Lupea ka nae kolopua
I hali mai i ke āhea makani

Ālohaloha nui nā pua ʻauliʻi
Kilipohe i ka ʻohu ʻolu o ka pūnohu

Hiʻa ʻia ka manaʻo ke ʻike aku
I kona helehelena onaona
Lā wai kēia lei pāpahi?
No kuʻu pua ʻuʻi ke aloha

He lei pāpahi me ke aloha, kūlele