I kil mindjer ku ta sufrin di tudu manera
I kunsi nha coitadesa i sempri i rispitan
Si preokupason i so ami, i ka importa ku luxu
Na no umildi kasa sempri no sta na pas
Sin TV i nin lus, mas sempri no ntindi kumpaher
Kil un bokadu ku no ta tene pa intchi bariga i ta konforma
I ka djubi nunka ku si kumpaheris pabia kilas tene algu
Si ratadjus i ta kuida ben ela i konforma, nada ka ta admiral ela i mindjer forti
Nada ka ta konfundil, ela i mindjer risu

N' misti dau vida di un rainha (mas n' ka tene forsa)
N' misti dau vida di un sinhora (mas nha mon ka iangasa kosta)
N' misti fasi tudu pa agradau (mas n' ka tene)
N' misti fasi tudu pa bo

Ke ku mas ta dem i obi djintis na n'ghuni-n'ghuni pabia ki ka na disan
Porki nin chinelu mas pikininu n' ka pudi kumpra pa ela
Ami n' pobri n' ka tene nada pa i kaba kumi
I para pirdi tempu na kasamentu di saklataa
Ela e tão nova kaba i bonita (bonita)
I ten manga di omis ku bon vida ku na mistil (iee)
Ku tudu es konversa ela i nunka i da ovidu parelis
I kontinua fiel a mi i aman di mesmu forma (mama)
Mas n' ta sufri porki ninguin ka ta tira simola pa sedu pobri
N' na kontinua luta, un dia des tudu na pasa (hamm i na pasa)

N' misti dau vida di un rainha (mas n' ka tene forsa)
N' misti dau vida di un sinhora (mas nha mon ka iangasa kosta)
N' misti fasi tudu pa agradau (mas n' ka tene)
N' misti fasi tudu pa bo

Nada pa pagau n' ka tene pa es bu lealdadi
Bu ta intchin di orgulhu, nha mindjer
Pobri n' sedu n' ka nega (n' ka nega) mas ami i omi felis
Porki Deus sortian ku mindjer di kurason di uru
Mesmu ku n' stresa na rua si n' tchiga kasa n' ta konsola
Porke la n' ta nkontra pas di bardadi, kil bu abrasus
Karinhus konfortavel n' ta sinti ben
Abo i ton spesial i muitu importanti na nha vida
Pa Deus kontinua abensua no union
Ate ultimus dias di di de no vida

N' misti dau vida di un rainha (mas n' ka tene forsa)
N' misti dau vida di un sinhora (mas nha mon ka iangasa kosta)
N' misti fasi tudu pa agradau (mas n' ka tene)
N' misti fasi tudu pa bo