N sunha ma un anju ben nha kaza
M'e krê mostra-m se paraízu
E karega-m, spandi se aza
E inbrasa-m sô ku un surizu
N fitxa odju N xinti korpu, má sta mutu lonji di mundu
Ô manbá kel-li k'es ta txomá amor

Nha kurason ten txeu frakura
Algen dja masa riba d'el
S'u da riba mi ta ser mô txuba riba un kaza di papel

E torna pô-m déntu nha kama
(E torna pô-m déntu nha kama)
Si azas tra-l se pé di txon
(Si azas tra-l se pé di txon)
Y mi N korda undi ki N staba
(É la ki N fika, é la ki N fika)
Riba nha bérsu d’iluzon

Má simé foi lindu, móda bo
Tudu foi lindu móda bo

Agóra si N ka ten jetu es óra li
Pamô pa mi ómi perfetu é inperfetu móda mi
Y bo bus trasus sô anjus ki ten é móda un asu
Dja-u perta-m pertadinhu p'o da-m un banhu di brasus
N ta ama sen limiti é si ki N ba ta kai
Si pasadu ben ripiti é pamô mi ki kalka play
Bu tinha mi karegadu y foi un maravilhu
N bai ku nhas odjus fitxadu pa N k’odja bu paraízu
Sinãu é pa txoma padri, pode purpara misa
Mi ku nha kurason fraku N ta xona primera vista
Sô pa N pila mésmu txoru, sonhus bira un vizon
As-vês un kastélu d’oru ti pode bira un prizon

Nu pode tive nkontradu pamodi foi distinadu
Favor, ben mostra-m kel amor ki N obi ta fladu
Pa N sunha sobri sonhus móda bo, lindu

N sukundi nhas xintidus profundu li déntu mi
N ta kunfundi bo é di pundi? Bu mundu é ka pa mi
N ta agradese m'o pô-m skese nha mundu pa N dizaparese ma paraízu?
Pfff, nen N ka sabe si N merese
Da-m kel beju riba mon pa azas tra-m pé di txon
Y N ta torna deta kétu na nha bérsu d’iluzon
Stória kaba y mi N kordaba undi N dentaba
Ma N sabia ma mi N staba ta sunhaba

Sima N ten medu di nhas sonhus
Kualker momentu N pode korda
N obi ta fladu ma nunka N odja amor

Nha kurason ten txeu frakura
Algen dja masa riba d'el
S'u da riba mi ta ser mô txuba riba un kaza di papel

E djobe pô-m déntu nha kama
(E djô pô-m li na nha kama)
Da-m sô un beju riba mô
Y mi N korda undi ki N staba
(Mi N korda li na nha iluzon)
Riba nha bérsu d’iluzon

Ma simé foi lindu, móda bo
Tudu foi lindu móda bo