Ódn og náttin svørt, ið ravnin við sær hevur ført
Svarta flog, ið ber mær boð at fylgja við

Við á eina ferð í aðra verð, tí nú at ódn og ilsku ber
Illgongd leið at bróta eið og allan frið

Einsamallur út í

Regnið
Vindin
Myrkrið

Frammanfyri

Bergið
Brimið
Stormin

Ravnur vindi reið

Tíð mín vinur ver og meg um ár og aldur ber
Burtur frá um ægin blá og norðanvind

Leiðin liggur út har lagnan lær og garmar goyggja eftir mær
Ódnarljóð har stormur stóð um fjallatind

Vindi reið eitt ravnaflog
Bar við sær tey sorgarboð
Og eina myrkursgerð
Boðar bráa burturferð

Ta longu vøkunátt
Veingir tóna toruslátt
At royna sáttargerð
Kanska bøtur einaferð