E' notte chiena e s'è addurmuto 'o mare,
Ma io stó' scetato e spásema stu core.
'e vvoce, 'e notte, se só' fatte rare
E i' resto sulo 'int'a ll'oscuritá.

Dormono
'e rrose 'int''o ciardino,
Surtanto 'o ammore mio
Nun pò durmí.

Aggio perduto 'o suonno
Pe' chist'ammore,
Aggio perduto 'o core
Appriesso a te!

Nu juorno mme faje campá,
Nu juorno 'mpazzí.
Stu bbene mme fa danná,
St'ammore murí!

Vivo pe' 'sta passione, ánema mia,
Tanta è 'a gelusia ca tengo 'e te.
E tremma stu core mio
Pecché é sicuro que 'o vuo' lassá.

Aggio perduto 'o suonno
Pe' 'sta felicitá!

E tremma stu core mio
Pecché é sicuro que 'o vuo' lassá.
Aggio perduto 'o suonno
Pe' 'sta felicitá!

Pe' 'sta felicitá!