Opáichamante jaiko
Ha'e che añeconsolávo
Ahayhuva'ekue ahechárõ
Iko'ênte chemboyke
Ambyasymi katuete
Ha ha'e Tambohasánte
Si oiméne péicha g̃uarãnte
Ãva suerte renonde

Oje'évako ahendu
Rehekárõ retopáne
Mbeguemínte ág̃a aikóne
Che irûrãre apovyvy
Aha'ãtako ajeity
Tapemírehe aikéne
Cheteínteko anichéne
Aikove tesaraipy

Opárupi che aikógui
Ahasámante ahasáva
Ivai ha iporãva
Mokõive ambojopara
Nameméi jajacertá
Jajavýko sapy'ánte
Chéko upéicharõ apukánte
Ha chemínte aikuaa

Oimérõ chéve he'íva
Ko'águikena ehekáma
Tekotevê rejapuráma
Ne irûrãmi eñangareko
Umíva oipota ajapo
Ku sapy'árõ g̃uarãnte
Chékatu ha'e porãnte
Opáichamante jaiko