Kuarahy resê
Opytáva chéve
Ko yvy ape ári
Ne pore'ỹnguépe
Omyesakãmívo
Che rape ypytû
Porque ni yvytu
Ndoguerúvai chéve
Umi oikohágui
Yvoty ryakuã
Amboguehag̃ua
Ko techaga'u

Aikuaasemínte
Mba'épa ra'e
Oiméne ajapo
Pe ne korasõ
Ogusta'ỹetéva
Ajeve reho
Mombyry asyete
Reikovehag̃ua
Ko che mborayhúgui
Ha che rohayhúgui
Ko'ê ko'êvére
Ku roha'ãrõ

Kuarahy resê opytáva chéve ha'eháicha ndéve
Ko yvy apére che rekovemi myataindyharã
Ha péicha ñe'ê rehendu hag̃ua rehendusemírõ
Ha rejusemírõ aikoventeha reikuaa hag̃ua

Sapy'a rejúrõ reikuaa voi mamópa aiméne
Vy'a'ỹ rokême reg̃uahêva'erã rejepopete
Chéko akói aime chereja guive upe huguaitépe
Nera'ãrõmívo aiko amoñe'ê kuarahy resê