Dja ka ten mórna na por di sol
Dja ka ten mórna pa namoradu
So ta obidu rock and roll
K'é ka di nos, k'é nportadu
K'é di nos fésta, nos serenata
Sen violon, mórna i kavakinhu
Kamiza ratxadu postu gravata
Dizengomadu sen kularin

Mórna é di-nos, ka nu magua-l
Pamó é margos nu nega-l se valor
El é ligria di nos dia-dia
Nu ben kanta-l ku alma i fulgor
É un eransa, nos sol di speransa
Nu ben toka-l, kanta-l ku amor

Ka nu dexa nos mórna smorise
Nen perdê pristíjiu ki el ten
Di Kabuverde onde el nasê
É fidju kridu di tudalgen
Si el é sinblu ki no kre mantê
Un tradison, nos identidadi
Ku orgudju, ku dignidadi
Ka nu dexa nos mórna morrê

Mórna é di-nos, ka nu magua-l
Pamó é margos nu nega-l se valor
El é ligria di nos dia-dia
Nu ben kanta-l ku alma i fulgor
É un eransa, nos sol di speransa
Ka nu dexa nos mórna morrê

Mórna é di-nos, ka nu magua-l
Pamó é margos nu nega-l se valor
El é ligria di nos dia-dia
Nu ben kanta-l ku alma i fulgor
É un eransa, nos sol di speransa
Ka nu dexa nos mórna morrê