Ajumíko ipahaite che la reina nerendápe
Apurahéi mbarakápe si ahátama katuete
Paraguay niko cheave ahuráva che retãme
Amanóvo hayhupápe a la óra ojofrece

Péina ágã ahendu che renóirõ la corneta
Akaláta bayoneta ha chakopýre asyryry
Ahamitánte amoirû Valinoti-pe ikaturõ
Aloamíne ajuhurõ Rojas Silva kurusu

Ahayhúgui che retã che la reina rohejáta
Frontera lado aháta ahyguãtîvo umi ava
Ndaipotánte che kamba che myakÿ nde resaýpe
Aipotánte ere che sýpe heta tacherovasa

Che fusil je oime ipotî che rechaséma je hina
Prevención-pe catalina tereho che ruguãitî
Rehecháne guaraní hekove odespresiáva
López ra'yre opytáva bajo el sagrado poyvi

Ikatúnte aju jevy ndahái katuete amanóvo
Ndékena che ra'arõvo siempre firme nde poty
Che araha iñongatupy koã che korasõ kuape
Amoite ñorairõhape ne angue che Tupãsy

Amalája atopa al famoso Tejerina
Inambikue ko che china ndéve ahechaukava'erã
Ha upépe terehecha la bravura guaraní
Oimévaha gueteri López ra'yre opyta

Aimerõ en parapiti amoguãhêne nde apysápe
Che ñe'êmi kuatiápe ne'irãha asapymi
Ha ndekena eñapytî ko verso ndéve ahejáva
Topurahéi ndéve ijára el soldado guaraní