Mudjer bonita p'el dâno gosto
Pel dâno gosto na nôs amor
É só dipós de no da'l nôs rosto
De no dâ'l nôs rosto pa cuspidor

Pa cada bejo el dano um dor
Pa cada strela um ilusam
Pa sonhos morto na coraçam
Anos sem conta de amargor

Ca nhôs fiâ na sês odjos preto
Qui tem piçonha na sê spiâr
Sês feticeras co sês malfeto
Ês tenê mundo juizo no ar

Ca nhôs fiâ na sês fala sabe
Nha fidjo, ubi, bo tomâ sentido
Mudjer é letra qui ca 'ntendedo
Sê alma é porta qui ca tem tchâbe