Dä Engels Hein kom spät no Hus un singe Kopp wor zo
Su wie e Häufje Elend soß hä op singem Stohl
Vergeß doch ens ding Sorje
vergeß doch dinge Streß
dat sät ihm do et Cilly ich weiß wat besser es

E Mädche un e Gläsje Wing
kuriere all ding Nut
Wer nit mih bütz un nit mih drink
dä es esu joot wie dut
E Mädche un e Gläsje Wing...

Et es bekannt vun altersher säht drop dä Hein zum Cill'
wer Sorje hätt hätt och Likör, jetz weiß ich, wat ich will
Dr Minsch lääv nit vun Arbeit un och nit nur vun Brut
Do jitt et noch jett anderes un dat, dat deiht esu joot

Jo manche Daach jeiht alles schief, egal wat du och mähs
un wat du ahnpacks jeiht kapott, egal wat du och mähs
Dann loss dr Kopp nit hänge, dovun weed et nit joot
Un dun och nit nur schänge un hür op minge Rot