Bu krian na koitadesa, dia i noti sin priguisa
Bu fasin pa n' sedu omi, mas omi di bardadi
Bu fasin pa n' sedu omi diferenti ne sidadi
Bu falan 'kaminhu lundju', pa n' osa konta bardadi
Manera ki ten vida, asin ki ten morti
Mortu ta bin nun sugundu, enton, pa n' fika forti
Nha pasadu sta nha tras, nha futuru sta nha dianti
Nunka pa n' ka djubi tras si nha distinu i pa dianti
E mundu i bens djuntadu, enton, pa n' tira nha parti
Na strada di susesu pa n' ka sinta, i kuri o djanti
Omi jiganti na fe ka ta sinta pera sorti
Bu falan pa n' fasi rispitu, umildadi i pasaporti
Nunka u tarbadja u kunpra ropa si ka nha skola ku bariga
Bu ta kuida di mi, nunka n' murdidu pa firminga
Mama, bu ka abortan, novi mis na bu bariga
Nha love i so pa bo, I love you, mama Dumingas

I love you, mama
I abo k'i nha suporti
Sin abo nes mundu, mama
Nha vida ka tene sintidu
I abo k'i nha tudu
I abo k'i nha mundu
Ami n' amau, mama, mama
Ami n' amau, mama di mi

Karater dun omi ku ta fasi si distinu
E mundu sta skribidu, no bin so kunpri distinu
Aos n' ta ntindi vida suma odja Adon kume fruta
Aonti pa n' djuda mama n' asumi guarda, n' nega furta
Ami n' ntindi natureza, si segredu i pasensa
Joven fika forti, pabia vida i konkorensa
Ruduzi vulusidadi, i kurida di rizistensia
Ka bu ariska vida pa un algu sin nportansia
Bu prisiza di sedu rial pa u vivi rialidadi
U prisiza di sedu onestu pa u vivi onestidadi
U ten di osa bardadi pa u konta bardadi
Enton, si bu falsu, u na vivi di falsidadi
E vida ka ten prazu, fala Deus di bu kazu
Kuri tras di bu sunhu, joven, konfia na bu pasu
Dinheru na bolsu, Deus na kurasan
Promesa pa mama un dia pa n' kunpul manson

I love you, mama
I abo k'i nha suporti
Sin abo nes mundu, mama
Nha vida ka tene sintidu
I abo k'i nha tudu
I abo k'i nha mundu
Ami n' amau, mama, mama
Ami n' amau, mama di mi

Mama, I love you
Mama (Etibene Kossok)
I love you