Chorus:
Here's tae the black watch, the bold kilted lads
That's newly cam hame frae the war
We'll gie them a healthy cheer an' drink a bump o' beer
For the boys o' the gallant forty-twa

Noo I am a sodger, my name, it's Willie Broon
An' I used tae be a weavin' lad an' lived in Maxwelltoon
But noo I am enlisted an' tae Perth I'm gane awa'
Tae join the gallant regiment, the gallant forty-twa

(Chorus)

The first time I went oot on drill wi' a lot o' raw recruits
The Sergeant Major chapped me for lookin' at my boots
He tapped me on the shoulder an' he said, "Jock, ye'll gang awa'
For ye're sure tae make an awfu' mess o' the gallant forty-twa"

An' when the bugle sounded for dinner time
I wis first man at the table, I wis first man in the line
The Sergeant cam tae call the roll, an officer an a'
An' he pointed oot the billie o' the gallant forty-twa

(Chorus)

An' when I gang on furlough, tae Dundee I will gang
An' I will teach my comrades how tae fire a gun
I'll tak them in an' stand a drink an' then I'll start tae blaw
An' then they'll see I'm Corporal in the gallant forty-twa

(Chorus)

Oh gie them a healthy cheer an' drink a bump o' beer
For the boys o' the gallant forty-twa