Du bisch so
Wunderschön, das
Dänk I jede tag
Und jede tag chunnt
Dä momänt, wo’s
Mir de schnuf verschlat
Am morge früeh, du
Lisch no im bett und
Luegsch mi a mit chline auge ganz verpennt, dänn
Flügsch in tag so
Fäderliecht, du
Bisch für mich wien en schmätterling im sunneliecht

Mis herz schlat nume no für dich
Ich hoff du gschpürsch’s und dänksch a mich
Mis herz isch bi dir jede tag
Bis a de tag wo’s nümme schlaht

Du schaffsch es
Immer wider
Wänn ich de muet verlür
Ziehsch mi locker
Us jedem loch und
Dur di nöchschti tür
Du schwebsch vorus, ich
Hindedri, bi
Wie verwandlet dur dini fantasie
Alles schwere
Verlürt a gwicht,
Du bisch für mich wien en schmätterling im sunneliecht

Mis herz schlat nume no für dich
Ich hoff du gschpürsch’s und dänksch a mich
Mis herz isch bi dir jede tag
Bis a de tag wo’s nümme schlaht