Irgendwo tüüf drinne
Hani’s sofort gwüsst
Wo mir eus det obe
S’erschte mal händ küsst
Jetz git’s eus scho es zitli
Und es goht mir immer no glich
Es isch sunneklar
Dass du für mich di richtig bisch

Ja – hesch mi verzauberet vo afang a
Mir sind eus nöch cho nadisna
Und gwachse jahr für jahr
Ja – es söll käs witers jahr vergah
Ohni dass i dich a miner site ha
Ich wot de ganz wäg mit dir gah

Bitte nimm’s mir nöd chrumm
Dass i da so ine platz
Ich ha scho vil vil zvil mal
De perfekti momänt verpasst
Ich cha nüm länger warte
Ich leg mis herz uf de tisch
Di ganz wält söll wüsse
Dass du für mich di richtig bisch

Ja – hesch mi verzauberet vo afang a
Mir sind eus nöch cho nadisna
Und gwachse jahr für jahr
Ja – es söll käs witers jahr vergah
Ohni dass i dich a miner site ha
Ich wot de ganz wäg mit dir gah

Ich stell mir vor wie schön das wird
Wänn du mal mini bisch und ich dine bi
Ich stell mir vor wie schön das wird
Wänn du mal mini bisch und ich dine bi

Ja – hesch mi verzaubert vo afang a